Доделување на јубилејни плакети на партнери, донатори и поддржувачи

Во рамки на одбележувањето на 80-годишнината од основањето на Црвениот крст на РСМ, на 5 март 2025 година во хотел Дабл Три Хилтон се одржа настан со партнери, донатори и поддржувачи на Црвениот крст, на кој им беше оддадено признание за нивната посветеност, хуманост и непоколеблива волја и оставиле длабок печат во нашето општество.

На настанот се обрати Генералниот секретар на ЦКРСМ, д-р Саит Саити и им додели јубилејни плакети на: Министерство за социјална политика, демографија и млади, Министерство за здравство, Министерство за обрзаование и наука, Министерство за внатрешни работи, Министерство за одбрана, Генералштаб на АРМ, Амбасада на САД во Северна Македонија, Стопанска комора на северозападна Македонија, Стопанска комора на Македонија – Турција, Сојуз на стопански комори на Македонија, Стопанска комора на Македонија, ЕВН Македонија, Македонски Телеком, А1 Македонија, Алма М, НЛБ Банка, Кожувчанка, Дијаг, Албиз Фондација, Македонски каритас, Македонски центар за меѓународна соработка, Даут Селими, Васил Тунев, Силви Бенд, Агим Ајрулаху и Ирена Спировска за досегашната плодна соработка и поддршка во остварување на хуманитарните цели.

Пред присутните, свое обраќање имаа и Министерот за социјална политика, демографија и млади г-дин Фатмир Лимани, заменик министерот за образование и наука г-дин Лулзим Алију и заменик министерот за внатрешни работи г-дин Астрит Исени кои искажаа задоволство и благодарност за досегашната соработка како и интерес за продолжување на партнерството.

Доделувањето на јубилејните плакети на нашите партнери, донатори и поддржувачи не претставува само признание за нивните хуманитарни напори, туку и признание за нивната способност во создравање промени кои се чувствуваат во заедниците.